Tuindiens vir Gevestigde Tuine

Volgehoue Tuinsorg. Persoonlike Diens.

’n Eienaar-gedrewe tuindiens met ’n unieke benadering, spesiaal vir huiseienaars wat waarde heg aan gereelde, langtermyn-tuinsorg.

HOEKOM ONS KIES

Wat Maak Ons Anders?

Tradisionele tuindienste het hoë uitgawes vir voertuie, toerusting, vullisverwydering en personeel. Ons model werk anders. Omdat ons kliënte self hul tuingereedskap voorsien en hul eie vullisverwydering reël, hou ons ons oorhoofse koste laag. Dit gee ons die kans om langer tyd op elke eiendom te spandeer, ’n persoonlike diens te lewer, en regtig te fokus op die volgehoue sorg van gevestigde tuine.

Onafhanklike Kontrakteurs

Ons werk uitsluitlik op ’n tuindiensooreenkoms-grondslag – as kontrakteurs, nie werknemers nie. Dus is daar geen arbeidswet-komplikasies of werkgewer drama nie.

Onbetwisbare Betroubaarheid

Ons daag altyd betyds op, en bevestig afsprake ten minste een dag vooruit. Selfs met reën sal ons kontak maak om herskedulering te bespreek, sodat jy nooit wonder nie.

Selfstandige Uitvoering

Streng uitvoering van ‘n ooreengekome tuinsorgplan, sonder enige toesig. Aaneenlopende werk as ’n hoë-intensiteit span verseker dat elke geskeduleerde taak voltooi word.

Tuingereedskap Onus

Kliënte voorsien en onderhou self alle nodige tuingereedskap, brandstof en elektrisiteit. Dit verlaag ons oorhoofse koste, wat langer tuindiensbesoeke teen bekostigbare pryse verseker.

ons dienste

Tuinsorg Oplossings

Ons behartig nie groot strukturele veranderinge nie – geen nuwe grasperke, groot nuwe blombeddings, of swaar installeerwerk nie. Ons neem tuine in hul huidige vorm en pas gereelde opruiming, snoeiwerk en stilering toe om hulle op hul beste te laat vertoon.

Basiese Tuinonderhoud

Sny gras en randte. Snoei struike en bome tot op veilige hoogtes. Versorg blombeddings. Maak plaveisel areas skoon – slegs met blaarblasers (blowers).

Plantegesondheid & Groei

Plantversorging en toediening van bemesting en kompos. Vervang dooie plante om beddings vol en netjies te hou.

Onkruidbeheer

Spuit onkruiddoders waar nodig – kliënte verskaf self die middels en toerusting om die gifstowwe veilig aan te wend.

ons voorkeur-tuine

Is Ons Die Regte Span Vir Jou Tuin?

Ons het mettertyd noodsaaklike voorkeure en reëls ontwikkel omdat ons ’n professionele diens lewer en ons werk ernstig opneem. Elke reël is daar om ons veiligheid en gesondheid te beskerm. Dit verseker dat ons konstante, hoëgehalte-resultate kan lewer binne die tyd wat ons het. Hierdie riglyne laat ons toe om te doen wat ons die beste doen: om eenvoudige, gevestigde tuine behoorlik, veilig en betroubaar in stand te hou – en dit is waarom ons twee jaar in ’n ry vir die “Best of Oudtshoorn” toekenning vir die beste tuindiens genomineer is.

Die regte tuine vir ons:

Klein tot medium grootte met grasperk areas
Netjies, eenvoudig en goed-gedefinieerd
Veilige, oop areas – nie oorgroeid of dig nie
Kan binne 2 of 4 uur onderhou word
Kliënte verskaf en onderhou self tuingereedskap
Kliënte reël self vir tuinvullisverwydering
Geen gevaarlike troeteldiere nie

Ons vermy beleefd:

Oorgroeide, ongetemde of onveilige tuine
Swaar opruimingswerk of erfskoonmaak
Eenmalige tuin projekte
Tuine sonder ‘n grasperk (droog, rotsagtig, Karoo-styl)
Tuine waar ons gereedskap moet deel met ander
Tuine waar ons op ‘n ongereelde basis benodig word.
Enige werk wat buite ons 2 of 4 uur sessie val

BEKOSTIGBARE OPSIES

Ons Diensopsies & Tariewe

Ons bied ’n professionele tuindiens en is nie dagarbeiders of werknemers nie. Ons werk uitsluitlik deur vaste afsprake, en ons dagboek is doelbewus beperk tot slegs tien permanente tuine om deurlopende gehalte en persoonlike sorg te verseker.

Die standaardroetine is ’n twee-weeklikse besoek op dieselfde weeksdag, maar ons maak voorsiening vir weeklikse besoeke waar ons dagboek dit toelaat, en ook vir maandelikse besoeke waar die tuin dit kan hanteer.

Behoorlike tuinonderhoud vereis toegewyde tyd. Ons bied twee maksimumtyd-afsprake (op tot 2 en 4 uur per besoek), en bepaal die regte een gebaseer op die tuin se werkslading tydens ons konsultasiebesoek.

4 ure maksIMUM

R300

per besoek

Ideaal vir medium grootte tuine
Besoeke duur maksimum 4 ure
Ten minste twee keer per maand vir volgehoue netheid en gesondheid
Kliënte voorsien self alle tuingereedskap

Vind Meer Uit

2 ure maksIMUM

R150

per besoek

Ideaal vir kleiner tuine, vinnige opknappings, of spesifieke take soos grassny
Besoeke duur maksimum 2 ure
Ten minste twee keer per maand vir tuine met vinnig groeiende areas
Kliënte voorsien self alle tuingereedskap

Vind Meer Uit

gereed om te begin

3 Stappe Na Jou Pragtuin

Kontak Ons

Vind ons op Facebook of klik hierdie WhatsApp-knoppie om ’n aanvanklike navraag te stuur.

WhatsApp Facebook

Foto-Evaluasie

Ons benodig ’n lys van take wat verrig moet word tesame met ten minste vyf onlangse, duidelike foto’s van die gedeeltes in die tuin wat onderhoud benodig.

Skedulering

Na afloop van ‘n suksesvolle keuring, word ‘n onderhoudskedule opgestel sodat werk so spoedig moontlik kan begin.

wie is ons nou weer?

Die Twee Tuiniers Storie

Ontmoet Louw en Karin, die toegewyde paartjie agter Die Twee Tuiniers en ‘n lewensvennootskap van meer as 32 jaar.

Ons reis vanaf veeleisende IT-loopbane na professionele tuinmaak spruit voort uit ons groot liefde om verwaarloosde tuine te omskep in prag ruimtes, ‘n passie wat ons elke keer toegepas het by die baie huurhuise wat ons oor die jare gedeel het.

Deur ‘n behoefte vir betroubare tuinversorging, sonder die rompslomp van indiensneming of dienskontrakte waar te neem, het ons ‘n unieke offer geskep: die persoonlike aanraking van ervare tuiniers met die buigsaamheid van ‘n tuindiens.

Karin se diepgaande liefde vir die natuur en haar sorgsame geaardheid komplimenteer Louw se perfeksionisties en resultaatgedrewe benadering pragtig, wat ‘n formidabele span vorm om persoonlik hoë-gehalte tuinwerk te verseker. Ons streef daarna om Oudtshoorn se mees gesogte nis-tuindiens te word, en beperk doelbewus ons kliëntebasis om sodoende toegewyde aandag te verseker. Ons vordering hiermee was onlangs erken met ‘n “Best Of Oudtshoorn Readers Choice 2025” nominasie vir beste tuindiens!

ons werk hier

Van Ons Pragtuine

(vee links of regs oor die fotos)

noindex_ref1

VERWYSINGS

Wat Sê Ons Kliënte

Hiermee wil ek graag ‘n pluimpie gee vir twee besonderse mense nl Louw en Karin. Die twee staan bekend as Die Twee Tuiniers. Ons maak al ‘n geruime tyd van hulle dienste gebruik en kan hulle met vrymoedigheid aanbeveel vir die volgende redes: Stiptelikheid, deeglikheid, eerlikheid, vriendelikheid, bereidwilligheid. Niks is vir die twee te veel nie en niks staan vir hul hande verkeerd nie.

Nonnie Boshof

Ek kan Die Twee Tuiniers met groot vertroue aanbeveel. Hulle is betroubaar en stiptelik. Hulle werk is altyd deeglik en netjies. Onkruid word uitgehaal en nie net afgesteek nie. Kommunikasie is duidelik en professioneel. Hulle is heeltemal self onderhoudend het geen toesig nodig nie. Hulle kennis van plante en tuine en vindingrykheid is ‘n bonus.

Jacques van Rensburg

Ek het twee wonderlike mense ontmoet wat se hande vir niks verkeerd staan nie. Hulle is Die Twee Tuiniers. My hele plek lyk altyd so mooi skoon as hul by my was. Hulle is twee engele wat Die Heer op my pad gesit het eerlik en opreg. Hul is betroubaar, ek los hul met my hele huis. Vriendelik en opreg. Hul het regtig groen vingers. Jul sal nooit spyt wees om gebruik te maak van hul diens. Die beste ooit.

Elize Griesel

’n Groot dankie aan Louw en Karin – Ons is so tevrede met wat julle die afgelope paar maande in ons tuin reggekry het. Elke hoekie van ons tuin wys dat Die Twee Tuiniers nie net ‘n naam is nie, maar ‘n span met trots & liefde vir “groen” dinge!!! Dankie vir julle harde werk & goeie energie.

Riaan & Michelle

Ons tuin lyk altyd pragtig nadat Die Twee Tuiniers se flukse hande hier was. Hulle is baie hardwerkend, toegewyd en dit is ‘n groot plesier om hulle altyd hier te hê. Dankie julle twee!

Mercia van den Berg

Baie dankie aan Die Twee Tuiniers wat altyd vriendelik, vaardig, deeglik en betroubaar is. Julle is werklik ‘n seën. My tuin was nog nooit so netjies nie. Dankie ook vir die klein instandhou werkies wat julle doen en dat julle so geduldig is met die viervoetige kinders.

Marisa Wilke

hello@dietweetuiniers.co.za

084 820 5768

Maandag tot Vrydag: 08H00 - 17H00

Publieke Vakansies: Gesluit

WhatsApp Facebook